İrəvanda partlayış baş verib

ARANTV.AZ xəbər verir ki, İyulun 25-ində İrəvanın Artaşisyan küçəsində yerləşən Ticarət mərkəzlərindən birində partlayış baş verib. Hadisə nəticəsində 3 nəfər ağır yaralanıb. Partlayış ticarət mərkəzinin qənnadı sexində qeydə alınıb. 100 kvadratmetrə yaxın ərazi tamamilə yararsız vəziyyətə düşüb. Fövqəlada hallar komissiyası partlayışın nədən baş verməsini açıqlamasa da Ermənistan mətbuatı bunun qəsdən törədildiyini yazır. “Nyus armenia” xəbər portalının məlumatına görə, bir neçə gün əvvəl ticarətçilər mərkəzin  rəhbərliyinə qarşı tədbirlər görülməsi ilə bağlı tətilə başlayıblar. Alıcılıq qüvvəsinin aşağı olmasına baxmayaraq kirayə haqlarının artırılmasından şikayətlənən mağaza sahibləri partlayışın qəsdən törədildiyini iddia edirlər. Çünki, iyulun 30-dan ticarət mərkəzində audit yoxlamalarına başlanılacaqdı. Güman edilir ki, partlayış məhz qeydə alınacaq yeyinti hallarını və çatışmazlıqları ört-basdır etmək üçün törədilib. Bu, Ermənistanda ilk belə hal deyil. “Nairit” Kimya zavodundan da yoxlamalar aparıldığı bir vaxtda yanğın baş vermişdi. İlkin ehtimallara görə, partlayışa çənlərdə saxlanılan etinol maddəsinin səbəb olduğu bildirilirdi. Sonradan isə məlum oldu ki, yanğın qəsdən törədilib. Zavodun əməkdaşlarına 15 milyon dollardan artıq borcu var. “Nairit” kimya zavodundan çalışanlar deyirlər ki, yeni hökumət də onların problemlərini həll etməkdə acizdir. Müəssisənin əməkdaşları məhkəməyə müraciət etsələr də, bunun belə faydası olmayıb. 153 işçi 3 ilə yaxındır ki, əmək haqlarını ala bilmir. Təkcə “Nairit” kimya zavodunun rəhbərliyi deyil, hökumət də borcları qaytara bilmir. Ermənistanın Rusiyadan aldığı 500 milyon dollar kreditin aqibəti isə məlum deyil. Bunu Helsinki Vətəndaş Assambleyasının İrəvandakı ofisinin rəhbəri Artur Sakunts deyib. Onun sözlərinə görə, rəsmi İrəvanın imzaladığı dövlətlərarası layihələrlə bağlı korrupsiya halları mövcuddur və problemli kreditlər də bunun nəticəsində yaranıb. Sitat: “Keçmiş hakimiyyətin imzaladığı dövlətlərarası layihələr, xüsusən də Şimal-Cənub avtomobil yolunun tikintisinə, Dünya Bankının təhsillə bağlı layihələrə ayrıdığı kreditlərin nəticəsi bəlli deyil. Hazırda istintaq xarici borcların qaynağını araşdırır”. Sitatın sonu. Artir Sakunts Lins Fondunun Ermənistana qoyduğu sərmayənin aqibətinin də məlum olmadğını bildirib. O, “Hayastan” Ümimerməni Fondunun fəaliyyətindəki korrpusiya və mənimsəmə hallarından da danışıb. Vurğulayıb ki, bütün bunlarda Serj Sarkisyanın böyük günahı var. Məhz o, Ermənistanda defolt vəziyyətinin səbəbkarıdır. Artur Sakunts Serj Sarkisyana qarşı cinayət işinin açılması ilə bağlı baş prokurora və Milli Təhlükəsizlik Xidmətinin direktoruna müraciət edib. O, sabiq prezidenti 10 müxtəlif cinayətdə günahlandırır. Artur Sakunts 2008-ci il martın 1-də dinc mitinqçilərə qarşı qanunsuz olaraq silah tətbiq olunduğunu və nəticədə Ermənistanın onlarla günahsız vətəndaşının qətlə yetirildiyini qeyd edib. Onun sözlərinə görə, indiyədək həmin qətllərə siyasi qiymət verilməyib və heç kim cinayət məsuliyyətinə cəlb olunmayıb. Hüquq müdafiəçisi ümid edir ki, bu dəfə ədalət bərpa olunacaq və Sarkisyan layiq olduğu cəzanı alacaq.