Xəbər verdiyimiz kimi, Prezident İlham Əliyevin Sərəncam ilə Nurlan Rauf oğlu Hacıyev Naxçıvan Muxtar Respublikası Ordubad Rayon İcra Hakimiyyətinin başçısı təyin edilib.
İcra başçısı təyin olunan Nurlan Hacıyev Naxçıvan Muxtar Respublikasının Maliyyə Nazirliyinə aparat rəhbəri idi. O bu vəzifəyə ötən ilin avqust ayında təyinat almışdı.
41 yaşlı N.Hacıyev Naxçıvan şəhərində anadan olub. O, Naxçıvan Dövlət Universitetində “Gömrük işinin təşkili” və “Ümumi iqtisadiyyat” ixtisasları üzrə ali təhsil alıb.
Əmək fəaliyyətinə 2008-ci ildə Azərbaycan Mərkəzi Bankının Naxçıvan Muxtar Respublikası İdarəsində başlayıb. Sonrakı illərdə o, “Naxçıvanbank” ASC-nin Culfa rayon filialının müdiri, 2017-ci ildən isə Maliyyə Nazirliyinin Xəzinə şöbəsində sektor müdiri və şöbə müdiri vəzifələrində çalışıb./Unikal/
