Türkiyə BVF-dən kredit alır? – Lirə böhranı
Türkiyə maliyyə dəstəyi almaq üçün Beynəlxalq Valyuta Fonduna hər hansı müraciət etməyib.
ARANTV.AZ xəbər verir ki, bunu “Röyter” agentliyinə açıqlamasında BVF-nin Mətbuat katibi Randa Elnaqar deyib.
O, türk lirəsinin kəskin dəyər itirməsi məsələsinə reaksiya verməkdən imtina edib.
Qeyd edək ki, dünən türk lirəsi dollar qarşısında 18% dəyər itirib. Bu, 2001-ci il maliyyə böhranından sonra Türkiyə valyutasının ən böyük dəyər itkisi olub.
Bundan öncə bir sıra türk və xarici ekspertlər Türkiyə hökumətinin yaxın zamanlarda kredit almaq üçün BVF-yə müraciət etmək məcburiyyətində qalacağını bildirmişdilər.axar.az
