ARANTV.AZ-ın məlumatına görə, Zakir Bünyatov adlı şəxs bıçaqla həmyerlisi, Məlik Əzizovun döş qəfəsinə bir neçə zərbə vurub. Yaralı qan içində 3 saylı şəhər xəstəxanasına çatdırılıb, vəziyyəti ağır kimi qiymətləndirilir.
Hadisəni törədən şəxs isə, 2-ci Polis Bölməsinin əməkdaşları tərəfindən saxlanılaraq istintaq şöbəsinə təhvil verilib. İlkin istintaq hərəkətləri zamanı məlum olub ki, Zakir Bünyatov həmyerlisini təhqir üstündə vurub. Belə ki, Məlik Əzizov bir neçə nəfərin yanında onu təhqir edib. Buna dözə bilməyən Zakir həmyerlisini cəzalandırmaq qərarına gəlib.
Faktla bağlı Xəzər RPİ-nin İstintaq şöbəsində cinayət məcəlləsinin 126.1-ci (qəsdən sağlamlığa ağır xəsarət yetirmə) maddəsiylə cinayət işi başlanıb və Z. Bünyatov şübhəli şəxs qismində həbs edilib.ölkə.az
