İran prezidenti: “Türkiyə ilə birlikdə hərbi qırıcı istehsal edə bilərik”
İranın prezidenti Həsən Ruhani Tehranda keçirilən “Kövsər” adlı hərbi qırıcı təyyarənin təqdimat mərasimində çıxış edib.
ARANTV.AZ xəbər verir ki, Ruhani çıxışında ABŞ sanksiyaları və qonşu ölkələrlə münasibətlərə aid fikirlər səsləndirib.
İran prezidenti bildirib ki, qonşu və dost ölkə olan Türkiyə ilə müdafiə sənayesi sahəsində əməkdaşlıq edilə bilər və birlikdə hərbi qırıcı istehsal edilə bilər.
Müdafiə sənayesində xərci az, təsirli silahlar istehsal etmək istədiklərini qeyd edən Ruhani İranın bu sahədə getdikcə gücləndiyini bildirib. Ruhani əlavə edib ki, Türkiyə ilə yanaşı Pakistanla da hərbi sahədə əməkdaşlıq edilə bilər. Prezident həm də ABŞ-ın Türkiyəyə qarşı sanksiyalarını da tənqid edib.
Ruhani ABŞ-ın etibar edilməyəcək dövlət olduğunu qeyd edib: “ABŞ İrana hücum etsə, bunun ona çox baha başa gələcəyini yaxşı bilir”.
Ölkə.Az
