2026-cı ilin yanvar-iyul aylarında 86,1 min nəfərə proaktiv qaydada sosial müavinət (aylıq və birdəfəlik) və təqaüd təyin edilib.
Bu barədə Dövlət Sosial Müdafiə Fondu məlumat yayıb.
Məlumata görə, təyinat aparılan şəxslərin 52,8 faizini kişilər, 47,2 faizini isə qadınlar təşkil edib.
Qeyd edək ki, proaktiv təyinat mexanizmi vətəndaşların müraciət etməsinə ehtiyac qalmadan sosial ödənişlərin avtomatik şəkildə təyin olunmasına imkan yaradır.
