Türkiyədə yanvar ayından etibarən tütün məmulatlarının qiymətində növbəti ciddi artım gözlənilir. Sahə üzrə yayılan məlumatlara görə, yeni ilin ilk ayından başlayaraq siqaretlərin hər qutusuna 20-25 Türk lirəsi məbləğində əlavə qiymət artımı tətbiq oluna bilər.
Qiymət dəyişikliyinin yeni ilin əvvəlində qüvvəyə minəcək vergi tənzimləmələri, eləcə də istehsal və logistika xərclərindəki artımlarla əlaqədar olduğu bildirilir. İstehsalçı şirkətlərin və pərakəndə satış şəbəkələrinin yeni tarifləri yanvar ayının ilk günlərindən etibarən rəflərdəki etiketlərə əks etdirəcəyi proqnozlaşdırılır.
Qeyd edək ki, tütün məmulatlarında gözlənilən bu bahalaşma həm sektor nümayəndələri, həm də istehlakçılar arasında geniş müzakirələrə yol açıb. Rəsmi qiymət siyahılarının ilin əvvəlində tam dəqiqləşəcəyi gözlənilir./yenisabah/
