Gədəbəydə avtomobil aşdı: sürücü öldü
Gədəbəy rayonunda ölümlə nəticələnən yol-nəqliyyat hadisəsi baş verib.
ARANTV.AZ Report-a istinadən xəbər verir ki, rayonun Saratovka kəndi ərazisində, Qaraməmmədli kənd sakini, 1958-ci il təvəllüdlü Mazahir Quliyev idarə etdiyi “VAZ-2121” markalı avtomobillə hərəkətdə olan zaman idarəetməni itirərək avtomobili aşırıb.
Nəticədə sürücü aldığı xəsarətlərdən hadisə yerində ölüb.
Faktla bağlı araşdırma aparılır.
