Hesablama Palatasının 2027-ci il üçün xərclər smetasına baxıldı

Hesablama Palatasının 2027-ci il üçün xərclər smetasına baxıldı

Hesablama Palatasının 2027-ci il üçün xərclər smetası haqqında Milli Məclisin qərar layihəsi parlamentin bugünkü plenar iclasında müzakirə olunub.

Musavat.com-un məlumatına görə, Hesablama Palatasının 2027-ci il üçün xərclər smetası 14 milyon 275 min 962 manat məbləğində təsdiq edilib.

Vəsaitin əsas hissəsi əməkhaqqı və onunla bağlı ödənişlərə yönəldiləcək. Bununla yanaşı, mal və xidmətlərin satın alınması, ezamiyyətlər, mühafizə, proqram təminatı, sosial ödənişlər və maddi-texniki təminat xərcləri də smetada əksini tapıb.

Layihə “Hesablama Palatası haqqında” Qanuna əsasən hazırlanıb. Sənəddə Palatanın 2027-ci ildə fəaliyyətinin səmərəliliyinin təmin edilməsi məqsədilə xərclərin aşağıdakı istiqamətlər üzrə bölüşdürülməsi nəzərdə tutulur.

2027-ci il üçün ümumi smetanın 12 milyon 889 min 193 manatı əməkhaqqı və əməyin ödənişi ilə bağlı xərclərə ayrılacaq. Bu, ümumi büdcənin təxminən 90,3 faizidir. Ştatda olan işçilərin əməkhaqqının ödənilməsi üçün 10 milyon 319 min 283 manat nəzərdə tutulub. Əməyin ödənişi ilə bağlı digər pul ödənişləri 20 min 25 manat təşkil edəcək. Məcburi dövlət sosial sığorta haqları üzrə 2 milyon 274 min 648 manat, icbari dövlət sığortası üçün 20 min 924 manat, icbari tibbi sığorta üzrə 206 min 786 manat, işsizlikdən sığorta haqları üçün isə 47 min 527 manat ayrılması planlaşdırılır.

Beləliklə, əməkhaqqı və onunla bağlı xərclər üzrə nəzərdə tutulan vəsaitin böyük hissəsi ştatda olan əməkdaşların əməkhaqqına və məcburi sosial sığorta ödənişlərinə yönəldiləcək.

Smetada mal, iş və xidmətlərin satın alınması üçün ümumilikdə 1 milyon 9 min 819 manat nəzərdə tutulub.

Bu istiqamətdə dəftərxana və təsərrüfat xərclərinə 37 min 500 manat, mətbəə məhsullarının alınmasına 16 min manat, yanacaq və sürtkü materiallarına 72 min 700 manat ayrılması planlaşdırılır.

Yumşaq inventar, yataq ləvazimatları və xüsusi geyimlərin alınması üçün 1 800 manat, digər malların alınması üçün isə 4 min 350 manat nəzərdə tutulub.

Tikili və avadanlıqların cari təmirinə 100 min manat, nəqliyyat vasitələrinin cari təmirinə 22 min 300 manat, digər torpaq, tikili və avadanlıqların cari təmirinə isə 2 min 310 manat ayrılacaq.

Kommunal xidmətlər üzrə elektrik enerjisinin ödənilməsinə 45 min manat, qaz haqqına 8 min manat, su təchizatına 1 800 manat, kanalizasiya xidmətlərinə 1 800 manat ayrılması nəzərdə tutulur. İstilik enerjisi üçün 40 min manat, digər kommunal xidmətlər üçün isə 3 min 500 manat proqnozlaşdırılıb.

Rabitə xidmətləri üzrə ölkədaxili telefon danışıqlarına 5 min 292 manat, beynəlxalq telefon danışıqlarına 100 manat, poçt xidmətlərinə 1 500 manat, internet xidmətinə 27 min 900 manat ayrılacaq. Digər telekommunikasiya və rabitə xidmətlərinin ödənilməsi üçün 20 min 478 manat nəzərdə tutulub.

Hesablama Palatasının mühafizəsinin təmin edilməsi üçün 121 min 143 manat ayrılması planlaşdırılır.

Əsas fondlara xidmət haqqı xərcləri 15 min manat, sanitariya-gigiyena və digər xidmətlər 7 min 905 manat təşkil edəcək.

Proqram təminatlarına və məlumat bazalarına xidmət haqlarının ödənilməsi üçün isə 112 min 400 manat nəzərdə tutulub. Bu vəsait Palatanın fəaliyyətində istifadə olunan proqram təminatı və məlumat bazalarının xidmət xərclərini əhatə edir.

2027-ci il üçün ölkədaxili ezamiyyətlərə 63 min manat, xarici ezamiyyətlərə isə 150 min manat vəsait ayrılıb.

Nəqliyyat vasitələri, istehsal təyinatlı maşın, avadanlıq və qurğular üzrə xidmət haqlarının ödənilməsinə 3 min 400 manat nəzərdə tutulub.

Atributların və mükafatlandırma nişanlarının hazırlanması, təltif və mükafatlandırma ilə bağlı xərclər üçün 15 min 900 manat, istehlakyönlü müxtəlif xidmətlərə 34 min 600 manat, bank xidmətlərinə isə 37 min 506 manat ayrılacaq.

Sair xərclər üzrə 16 min 635 manat, xarici ölkələrin nümayəndə heyətlərinin və rəsmi şəxslərinin qəbulu, onlara xidmət göstərilməsi üçün isə 20 min manat nəzərdə tutulub.

Smetada sosial ödənişlər üçün ümumilikdə 157 min 100 manat ayrılması planlaşdırılır. Bu vəsaitin 20 min manatı əmək qabiliyyətinin müvəqqəti itirilməsinə görə müavinətlərin ödənilməsinə, 137 min 100 manatı isə dövlət qulluqçularına ödənişlərə yönəldiləcək.

Hesablama Palatasının maddi-texniki təminatının gücləndirilməsi və aktivlərin alınması üçün 219 min 850 manat nəzərdə tutulub. Bu məbləğin 150 min manatı maşın və avadanlıqların, 15 min manatı digər torpaq, tikili və avadanlıqların alınmasına ayrılacaq.

Nəqliyyat vasitələrinin əsaslı təmirinə 10 min 150 manat, qeyri-maddi aktivlərin alınmasına isə 44 min 700 manat yönəldilməsi planlaşdırılır.

Comments

No comments yet. Why don’t you start the discussion?

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir