Erməni siyasətçilərinin, bu xalqa rəhbərlik etmək istəyənlərin, hakimiyyətə can atanlarının hər birinin başlıca şüarı millətçilik, “Böyük Ermənistan” yaratmaq xülyası, təcavüz yolu ilə torpaqları işğal etmək, erməniləri dünyada ən ali və qədim xalq kimi təqdim etməkdir. Çünki erməni xalqına rəhbərlik etmək üçün şans qazanmaqdan ötrü başqa yol yoxdur.
ARANTV.AZ bildirir ki, bunu Trend-ə Milli Məclisin deputatı Tahir Rzayev deyib.
Deputat bildirib ki, bu çağırışlara sadiq olmayan və onu özü üçün müqəddəs amal hesab etməyən erməninin kiçik bir vəzifə tutması belə mümkün deyildir. Dünyanın ən ali və qədim xalqı iddiası, xiristianlığın təməlini qoyan millət, cəmiyyət mifik düşüncəsi, hamıdan ağıllı, cəsur, qəhrəman psixologiyası, tarixə, reallıqlara əsaslanmayan və ağılasığmayan hadisələri həqiqət kimi qələmə vermək cəhdi, faşist, cəllad, xain dünyagörüşü ermənilərin qanında, canında əsrlərlə yaşadığı üçün və onlar insanlığa xas olmayan bu xüsusiyyətlərdən can qurtarmağa cəhd göstərmədiklərinə görə tarixlər boyu əzilə – əzilə, döyülə – döyülə, onun – bunun qoltuğuna sığına – sığına yaşasalar da, ancaq öz iddialarından, təkəbbürlü əməllərindən əl çəkməmişlər:
“Azərbaycan Respublikasının Prezidenti cənab İlham Əliyev Bakının Ramana qəsəbəsindəki yaşayış kompleksində şəhid ailələri və müharibə əlillərinə mənzillərin təqdim olunması mərasimində çıxışında ermənilərin mənfur xislətini çox gözəl xarakterizə edərək demişdir: “Bütün dünyaya əsassız tələblər irəli sürürlər. Sanki hər kəs bunlara kömək etməlidir, bunları müftə yedizdirməlidir, silahla təmin etməlidir. Bir zəli kimi yapışıblar dünya ölkələrinin vücuduna. Bizim torpağımızı işğal edib, insanları evsiz – eşiksiz qoyub, tarixi abidələrimizi, məscidlərimizi dağıdıb. Ondan sonra da deyib ki, bu erməni torpağıdır”.
Deputat vurğulayıb ki, bu gün Ermənistan dünyada faşist ideologiyasını təbliğ edən və bu ideologiyasının nümayəndələrini milli qəhrəman səviyyəsinə ucaldan tək dövlətdir:
“Bunun nəticəsidir ki, Ermənistanın keçmiş və indiki rəhbərləri həmişə qan tökmələri, qəddarlıq etmələri, kənd və şəhərləri viran qoymaları, cinayətlər törətməkləri ilə fəxr edir və bu çirkin əməllərindən qürur duyurlar.
Ermənilərin fəxri sayılan Zori Balayan 13 yaşlı azərbaycanlı qızın dərisini diri – diri soyması ilə fəxr etdiyi halda, keçmiş prezidentlər Koçaryan və Sarksyan Xocalı soyqırımında bilavasitə iştirak etdiklərinə, yüzlərlə uşağı, qocanı, qadını qətlə yetirdiklərinə görə qürur duyur və bunu beynəlxalq aləmə bəyan edirlər.
Onlar bu gündə törətdikləri ağır cinayətin fərqində deyillər və yeni, daha ağır qətlər, soyqırımılar həyata keçirmək arzusundadırlar. Bir vaxtlar “Xocalıya qədər azərbaycanlılar bizim zarafat etdiyimizi düşünürdülər, biz stereotipləri qırdıq, yəni azərbaycanlılara qəddarlığımızı göstərdik” deyən S.Sarksyan ikinci Vətən Müharibəsində, “İsgəndər” raketlərinin işə salınmamasından təəssüf hissi keçirdiyini bildirir və buna görə baş Nazir N.Paşinyanı günahlandırır.
O, bu raketlərin müharibə başlayan ilk günlərdən istifadə olunmasının və xeyli insanın məhv edilməsinin vacib olduğunu dilə gətirməklə faşist xislətini bir daha dünyaya nümayiş etdirir.
Ancaq Sarksyan bilməmiş deyildir ki, həmin raketlər dinc əhaliyə qarşı istifadə edilmiş, Bərdəyə, Gəncəyə, Tərtərə atılmış və onlarla insan qətlə yetirilmiş, mülki obyektlərə ciddi ziyan dəymişdir. Budur ermənilərin xisləti”.
