“Bu gün piylənmədən əziyyət çəkən və qeydiyyata düşən 13 yaşa qədər uşaqların sayı 1126 nəfərdir”.
ARANTV.AZ xəbər verir ki, bunu Səhiyyə Nazirliyinin mütəxəssis-eksperti, uşaq endokrinoloqu Azad Əkbərzadə deyib.
Endokrinoloqun sözlərinə görə, uşaqara 6 aydan sonra əlavə qidaya keçəndə maksimum tərəvəz tərkibli yeməklər verilməlidir.
Həkim qeyd edib ki, piylənmədən əziyyət çəkən uşaqlardan 544 nəfəri qız uşaqlarıdır.
“Müraciət edənlərdən 190 nəfəri sırf 2020-ci ildə qeydiyyata alınanlardır. Günü-gündən müraciətçilərin sayı daha da artır.
14-17 yaşlarında 464 nəfər qeydiyyata alınıb. Onlardan 130-u son ildə müraciət edənlərdir.
18-29 yaşlarda bu göstərici 977-dir. 30 yaşdan yuxarı şəxslərin sayı isə 4 443 nəfərdir. Bunun da 499 nəfəri son ildə müraciət edənlərdir”.
