Türkiyə və Azərbaycan liderləri yeni hava limanının açılışını edəcək
Türkiyə Prezidenti Rəcəb Tayyib Ərdoğan və Azərbaycan Prezidenti İlham Əliyev Türkiyənin şimal-şərqində yerləşən yeni Rizə-Artvin hava limanının açılışında iştirak edəcəklər.
ARANTV.AZ xəbər verir ki, bu barədə “Anadolu” agentliyi məlumat yayıb.
Bildirilib ki, yeni hava limanının açılışı iki qardaş ölkənin liderlərinin iştirakı ilə mayın 14-də planlaşdırılır.
Yeni hava limanı Türkiyənin ikinci ən uzun uçuş-enmə zolağına malikdir.
Rize-Artvin Hava Limanı Rize şəhərindən 34 km, Hopadan 54 km və Artvindən 125 km məsafədə, Bazar rayonunda yerləşir.
Rəsmi açılış mərasimindən sonra Rize-Artvin Hava Limanı fəaliyyətə başlayacaq.
