Beynəlxalq Valyuta Fondu (IMF) bu il Azərbaycanın ümumi daxili məhsul istehsalının (ÜDM) 3,7% artacağını proqnozlaşdırır.
ARANTV.AZ xəbər verir ki, bu barədə IMF-nin “Dünya İqtisadi Görünüşü” hesabatının oktyabr sayında bildirilib.
Sənədə əsasən, bu, qurumun aprel ayı proqnozu ilə müqayisədə 0,9 faiz bəndi çoxdur.
IMF gələn il Azərbaycan iqtisadiyyatının 2,5% böyüyəcəyini gözləyir ki, bu da, əvvəlki proqnozla müqayisədə 0,1 faiz bəndi azdır. Valyuta Fondu ÜDM artımını 2027-ci ildə 2,5% səviyyəsində proqnozlaşdırır.
Qeyd edək ki, ölkə iqtisadiyyatı 2021-ci ildə 5,6% artıb.
