Xaçmaz şəhər bələdiyyə sədri – İbrahimov Tural Hikmət oğlu
Bələdiyyələr vətəndaş cəmiyyətinin əsas atributlarından hesab olunur. Vətəndaş cəmiyyəti və hüquqi dövlət quruculuğuna doğru uğurla addımlayan Azərbaycanın bu sahədə də nailiyyətləri kifayət qədərdir.
Xaçmaz şəhərində bütün sahələr kimi bələdiyyələrin də normal faəliyyəti üçün rayon rəhbərliyi tərəfindən bütün zəruri addımlar atılır. Bu günlərdə sözügedən bələdiyyənin fəaliyyəti ilə yaxından tanış olmaq üçün kəndə yollandıq. Bizi Xaçmaz şəhər bələdiyyə sədri İbrahimov Tural Hikmət oğlu qarşıladı.
Tural İbrahimov sakinlər tərəfindən böyük etimad göstərilərək səsvermə yolu ilə yekdilliklə kənd bələdiyyəsinə sədr seçilib. Həmin dövrdən o kənd sakinlərinin böyük rəğbətini qazanıb. Beləliklə, seçildiyi vaxtdan hal-hazırkı dövrədək T.İbrahimov Xaçmaz şəhər bələdiyyəsinin sədri vəzifəsində çalışır.
Burada yollarda avtomobillərin rahat və təhlükəsiz hərəkətini təmin etmək üçün tədbirlər görülür. Əksər yollar yenidən qurulur.
Müsahibimlə söhbət zamanı o, qeyd etdi ki, “burada əvvəllər yollar çox pis vəziyyətdə idi. İndi şükürlər olsun ki, yol təmir olunur. Yolun bu vəziyyətində kələ-kötürlü yerlərdə neçə dəfə qəza olub. Amma indi yolumuz çox yaxşıdır”.
Təmir işləri zamanı yolun üzərində olan su keçidləri yenilənib. Əsaslı təmir işlərini qısa vaxt ərzində başa çatdırmaq üçün kifayət qədər işçi qüvvəsi və texnika ayrılıb. Asvalt işləri yekunlaşdıqdan sonra yol nişanları quraşdırılacaq, piyada keçidləri üçün zolaqlar salınacaq.
Göründüyü kimi, Xaçmaz sakinlərinin bütün tələbatı tam ödənilir.
Tural müəllim həmçinin qeyd etdi ki, istər aqrar sahənin inkişaf etdirilməsində, istərsə də kənddə infrastruktur layihələrin həyata keçirilməsində Rayon İcra Hakimiyyətinin başçısı cənab Rzayev Elnur Şahbaz oğlunun da rolu danılmazdır. Yeni seçilən icra başçısı tez-tez sakinlərlə görüşür, çatışmazlıqların aradan qaldırılması üçün müvafiq göstəriş və tapşırıqlarını verir.
Müsahibənin sonunda Tural İbrahimov onu da bildirdi ki, bundan sonrakı fəaliyyətlərini bələdiyyələr haqqında qanuna və nizamnamələrə uyğun olaraq daha müasir və mütərəqqi üsullardan istifadə etməklə davam etdirəcəklər.
“Aztv.news”
