Bakıdan əhali ən çox bu rayonlara gedir
Bakı Beynəlxalq Avtovağzal Kompleksində avtobuslar tam olaraq əvvəlki qaydada xəttlərə buraxılıb.
Bunu Trend-ə Dövlət Avtomobil Nəqliyyatı Xidmətinin (DANX) mətbuat xidmətinin rəhbəti Nuridə Allahyarova deyib.
N.Allahyarova bildirib ki, xəttə iri tutumlu avtobuslar buraxılıb. Onun sözlərinə görə, hazırda ən çox istiqamətlər Bakıdan çıxışlardır: “Bakıdan regionlara çıxışlar çoxdur, xüsusilə Bakıdan Gəncə, Şəki, Qax, Zaqatala, Lənkəran, Quba istiqamətində sərnişin axını daha çoxdur”.
N.Allahyarova bildirib ki, avtobuslar tələbata uyğun təmin edilir: “Alınan bilətlərin sayına uyğun avtobuslar xəttə buraxılır. Əgər tələbat artsa avtobuslar təmin ediləcək”.O əlavə edib ki, həm sürücünün, həm də sərnişinlərin avtobuslarda tibbi maskadan istifadə edilməsi tələb kimi qoyulub.
