Parlamentin buraxılmasına, referendumun keçirilməsinə ehtiyac yoxdur

Son günlər ictimai rəyi çaşdırmaq üçün sosial şəbəkələrdə məsələ ilə bağlı  yayılan əsassız informasiyalar Qərbin «feyk qazanı»nda hazırlanır

Azərbaycanda son illərdə həyata keçirilən, bir çox ölkələrə nümunə göstərilən demokratik islahatların inkişafı  dövlət siyasətinin əsasını təşkil edir. Ümummilli lider Heydər Əliyevin rəhbərliyi ilə hazırlanan və ümumxalq səsverməsi ilə qəbul olunan  Konstitusiyamızda müstəqil dövlətimizin hüquqi, demokratik əsaslar üzərində inkişafının əsas istiqamətləri əksini tapmışdır. «Biz Azərbaycandakı bütün prosesləri xalqın istədiyi məcraya yönəldəcəyik, bütün insanların sağlam mövqe tutmasına nail olacağıq. Bu işdə bizim dayağımız xalqdır, insanların bizə olan inamıdır, etimadıdır və həm də  hüquq-mühafizə orqanlarının biliyi, peşəkarlığı, eyni zamanda qətiyyəti və dövlətçiliyə sədaqətidir» söyləyən Ulu Öndərin demokratiya ilə bağlı  müəyyənləşdirdiyi siyasəti uğurla davam etdirən Prezident İlham Əliyevin səyi ilə zamanın tələblərinə, xalqın istəklərinə uyğun   ali  Qanunlarımıza edilən dəyişikliklər, keçirilən referendumlar ölkə əhalisi tərəfindən dəstəklənib və yüksək dəyərləndirilib. Tam əminliklə demək olar ki, xalqın və dövlətçiliyimizin maraqlarını əks etdirən  Konstitusiyamızın tələblərinə uyğun  keçirilən bütün siyasi kampaniyaların mütəşəkkilliklə başa çatması,  səsvermə prosesinə nəzarət  edən beynəlxalq müşahidəçilərin seçkilərin təşkilini yüksək dəyərləndirməsi ölkə demokratiyasının təntənəsidir. Prezident İlham Əliyevin imzaladığı « Azərbaycan Respublikasının Milli Məclisinə seçkilərin hazırlanması və keçirilməsi ilə bağlı  təxirəsalınmaz tədbirlər haqqında» Sərəncamın tətbiqi ilə  seçki praktikası daha da təkmilləşmiş, siyasi kampaniyalara hazırlıq və  səsvermə prosesində şəffaflıq, obyektivlik təmin olunmuşdur.  Ötən seçkilərdə tətbiq olunan mojaritar seçki sistemi cəmiyyətin maraqlarına cavab verir.  Respublikamızda fəaliyyət göstərən müxalif  partiyaların nümayəndələrinin  parlamentin rəhbərliyində  təmsil olunması  demokratik inkişafın göstəricisi olmaqla   plüralizmin, söz, vicdan azadlığının da  təntənəsidir.  Bu baxımdan son günlərdə sosial şəbəkələrdə  yayılan və ictimai rəyi  çaşdırmağa hesablanmış  Azərbaycanda referendumun keçirilməsi və parlamentin buraxılması ilə bağlı informasiyaların əsası yoxdur. Konstitusiyamızda heç bir dəyişiklik, məsələ ilə bağlı hansısa təşəbbüs də  nəzərdə tutulmur. Qərəzli  dairələr tərəfindən  yayılan və  həqiqəti əks etdirməyən bu cür dezinformasiyalar tam   əsassızdır. İnsanları çaşdırmağa, daxili sabitliyi pozmağa çalışanlar unutmamalıdırlar ki,  dövlətimizin daxili və xarici siyasətini dəstəkləyən  xalq etimad göstərib, Milli Məclisdə onu təmsil etməyə  layiq gördüyü deputatının yanındadır. Prezident İlham Əliyevin rəhbərliyi ilə  ölkədə aparılan siyasi, iqtisadi, sosial islahatlara uyğun fəaliyyət göstərən Milli Məclisin  qəbul etdiyi bütün qərarlar xalqın maraqlarına  və dövlətin mənafeyinə  uyğundur.  VI çağırış Milli Məclisin ilk iclasında çıxış edən Prezident İlham Əliyevin tövsiyələrini fəaliyyətinin əsas istiqaməti  kimi diqqətdə saxlayan millət vəkilləri seçicilərinin etimadını doğrultmaq üçün keçirdikləri görüşlərdə irəli sürülən təkliflərə diqqətlə yanaşır, insanları  narahat edən problemlərin həllinə çalışırlar.

İkinci Qarabağ müharibəsində döyüş bölgələrində olan deputatlar postmüharibə dövründə şəhid ailələri,  hərbi əməliyyatlar zamanı  yaralanan əsgərlərimizlə görüşür, onların  məişət şəraitləri, müalicələri ilə maraqlanır,  lazımi dəstək göstərirlər. Bu humanist yardımlar  hazırda da  davam edir. Beləki millətlə onun vəkilləri arasındakı səmimiyyətə  kölgə salmağa çalışanların qərəzli informasiyaları həqiqəti əks etdirmir.

Belə dezinformasiyaları ilə  ictimai rəydə qarışıqlıq yaratmaq istəyən, xalqdan çox ağalarının, trolbaşı AXCP sədri Əli Kərimlinin  tapşırıqlarını yerinə yetirən, xarici  ölkələrdə komport həyat keçirən Sevinc Osmanqızı, Qənimət Zahid, Xədicə İsmayıl, Vidadi İsgəndərli ,  həmçinin ölkə daxilində təxribatla məşğul olan Arif Hacılı kimi bədxahlarımız unutmasınlar ki,  gündəmdə qalmaq üçün belə sərsəm informasiyalarla  heç nə əldə edə bilməyəcəklər.  Prezident İlham Əliyevin ətrafında  birləşən xalqımızın demokratik prinsiplər əsasında formalaşan Milli Məclisdə təmsil olunan,  taleyini etibar etdiyi millət vəkillərinə etimadı  dəyişilməzdir. Son günlərdə   Milli Məclisdə keçirilən iclasda deputatlığına xitam verilmiş Eldəniz Səlimovla bağlı qəbul olunan ədalətli qərar  da göstərdi ki, Azərbaycanda kimliyindən asılı olmayaraq hər kəs qanun qarşısında eyni dərəcədə  məsuliyyət daşımalıdır.