Yevlaxda avtomobillər toqquşub, xəsarət alan var
Yevlax şəhərində xəsarətlə nəticələnən yol-nəqliyyat hadisəsi olub.
ARANTV.AZ xəbər verir ki, hadisə Heydər Əliyev prospektində qeydə alınıb.
“Mercedes” və “Priora” markalı avtomobillərin toqquşması nəticəsində Yevlax rayon sakini, 1996-cı il təvəllüdlü Əli Abdullayev xəsarət alıb. Yaralı xəstəxanaya çatdırılıb, onun vəziyyətinin qənaətbəxş olduğu bildirilir.
Faktla bağlı araşdırma aparılır.
