Madriddə altı nəfər muzeyə girərək özlərini öldürməklə hədələyirlər – FOTO/VİDEO
Madriddə Prado Muzeyinin salonlarından biri altı nəfər tərəfindən ələ keçirilib. Baş nazir Pedro Sançesin onların tələblərini yerinə yetirmədiyi təqdirdə intihar edəcəklərini deyirlər.
Aksiyaçılar özlərini “raps yağı qurbanları” adlandırırlar. Söhbət 1981-ci ildə İspaniyada kütləvi şəkildə zəhərlənmədən və bunun nəticəsi olaraq “toksik yağ sindromu” adlanan xəstəlik səbəbindən zərər görənlərdən gedir. Qurbanların maraqlarını təmsil edən qrup üzvlərinin sözlərinə görə, həmin vaxt təxminən 4 min adam ölə bilərdi.
Onlar zəhərlənmə hadisəsindən 40 ildən çox vaxt keçdiyini deyərək Sançeslə görüş tələb ediblər.
Yerli KİV-in məlumatına görə, polis aksiyaçılar arasında ölümcül dozada həb qəbul etmək istəyən iki nəfəri saxlayıb.
Mənbə: “Mash” “Telegram” kanalı
