Kürdəmirdə avtomobillər toqquşub: Xəsarət alanlar var – FOTO
Kürdəmir rayonunda yol-nəqliyyat hadisəsi baş verib.
“Report”un Yuxarı Şirvan bürosu xəbər verir ki, hadisə Kürdəmir-İmişli yolunun rayonun Atakişili kəndindən keçən hissəsində qeydə alınıb.
Belə ki, KIA markalı avtomobil VAZ-2115 markalı maşınla toqquşub. Nəticədə VAZ-2115 markalı avtomobildə olan üç nəfər – 29 yaşlı Hüseynov Ümid Qnyaz oğlu, 17 yaşlı Manaflı Vüsal Tahir oğlu və 2 yaşlı Hüseynli Miray Ümid qızı müxtəlif dərəcəli bədən xəsarətləri alıblar.
Yaralılar təcili tibbi yardım maşını ilə Kürdəmir Rayon Mərkəzi Xəstəxanasına aparılıb və həkim nəzarətinə götürülüb.
Faktla bağlı araşdırma aparılır.
