ABŞ İranın pilotsuz təyyarə istehsalına qarşı sanksiyalar tətbiq edəcək
Vaşinqton İranın pilotsuz təyyarələr (PUA) istehsal etməsinin qarşısını almaq üçün bütün vasitələrdən istifadə edəcək.
Bu barədə ABŞ dövlət katibi Entoni Blinken bəyan edib.
O, ABŞ-ın PUA-larla bağlı materialların və texnologiyanın tədarükünə imkan verən satınalma şəbəkələri ilə bağlı sanksiyalar qəbul edəcəyini vurğulayıb.
Qeyd edək ki, ABŞ Maliyyə Nazirliyinin sanksiya siyahısına daxil edilmək – məhdudiyyətlərə məruz qalmış şəxslərin və təşkilatların aktivlərinin dondurulması, həmçinin ABŞ vətəndaşlarının və şirkətlərinin onlarla biznes fəaliyyətinin qadağan edilməsi deməkdir.
Mənbə: RİA Novosti
