Ələt-Astara yolunda mikroavtobus yük maşınına çırpıldı, ölənlər var
Ələt qəsəbəsində ölümlə nəticələnən yol qəzası baş verib.
ARANTV.AZ APA-ya istinadən bildirir ki, hadisə Ələt-Astara magistralının 59-cu kilometrliyində qeydə alınıb.
“FORD TRANZİT” markalı mikroavtobus “HOVO” markalı yük avtomobilinə çırpılıb. Nəticədə mikroavtobusda olan sərnişinlər Neftçalanın Şorkənd kənd sakinləri, 1963-cü il təvəllüdlü İsmayılova İradə Balaxan qızı və 1975-ci il təvəllüdlü Aşurova Əhliqə Ağasəf qızı hadisə yerində ölüblər. Bir nəfər yaralı isə Ələt qəsəbə xəstəxanasına yerləşdirlib.
Faktla bağlı BDYPİ tərəfindən araşdırma aparırır.
