BDU-nun daha bir professoru vəfat etdi
Bakı Dövlət Universitetinin (BDU) Kimya fakültəsinin Üzvi kimya kafedrasının professoru Məhərrəm Nəcəf oğlu Məhərrəmov vəfat edib.
Bu barədə Bakı Dövlət Universiteti məlumat yayıb.
O, 84 yaşında dünyasını dəyişib.
M.Məhərrəmov 1955-1960-cı ildə BDU-nun Kimya fakültəsində təhsil alıb.
Yerli və xarici elmi nəşrlərdə dərc edilmiş 250 elmi məqalənin, o cümlədən 25 müəlliflik şəhadətnaməsinin və patentin müəllifi olub. Əməkdar müəllim fəxri adına layiq görülüb, “Bakı Dövlət Universitetinin 100 illiyi (1919-2019)” Azərbaycan Respublikasının Yubiley Medalı ilə təltif edilib.
Qeyd edək ki, ötən gün BDU-nun bir professoru və bir dosenti vəfat edib.
