Tarix yazan şəhidlər – VİDEO
Ağcabədi rayonu Hüsülü kəndində şəhidlər abidəsinin açılışı olub.
ARANTV.AZ Real TV-yə istinadən xəbər verir ki, torpaqların bütövlüyü uğrunda canından keçən 6 şəhidin xatirəsinə ucaldılan abidə kompleksinin açılışında Ağcabədi rayon rəhbərliyi, şəhidlərin ailə üzvləri, qazilər, döyüş yoldaşları ailələri və ictimaiyyət nümayəndələri iştirak edib.
Abidə kompleksində 1-ci və 2-ci Qarabağ döyüşlərində şəhid olan Hüsülü kənd sakinlərinin fotoları və onlar barədə məlumatlar əks olunub.
Məlumat üçün bildirək ki, şəhidlər abidəsində Hüsülü kəndindən olan 6 şəhiddən 5-i Birinci Qarabağ döyüşlərində, şəhid Fəryad Xəlilov isə Vətən müharibəsində şəhid olub.
Qeyd edək ki, sözügedən abidə kompleksi Vətən müharibəsi iştirakçısı, qazi İsmayıl Məhərrəmovun fərdi vəsaiti hesabına inşa edilib.
