Güclü qar səbəbindən Bakı-İstanbul-Bakı axşam reysi də ləğv edilib – YENİLƏNİB + VİDEO
İstanbulda yağan güclü qar səbəbindən Bakı-İstanbul-Bakı (J2 077/078) axşam reysi də ləğv edilib.
Ləğv edilmiş reysin sərnişinləri sabah səhər reysinin (J2 075/076) sərnişinləri ilə birlikdə geniş füzelyajlı təyyarə ilə yola düşəcəklər.
Qeyd edək ki, qarın yağması səbəbindən İstanbul hava limanı istiqamətində nəqliyyatın hərəkəti ciddi şəkildə çətinləşib.
17:14
İstanbulda əlverişsiz hava şəraiti (güclü qar) səbəbindən AZAL-ın İstanbul-Bakı reysi gecikir.
Bununla bağlı AZAL-dan məlumat verilib.
Bildirilib ki, hazırda reysin sərnişinləri sərnişin terminalının daxilindədir və qida və alkoqolsuz içki ilə təmin olunacaqlar.
İstanbul hava limanının icazəsi olan kimi təyyarə İstanbuldan yola düşəcək.
