DSX: “Ötən il sərhəddə xaricdə döyüşmüş 6 terrorçu saxlanılıb”
Ötən il terrorçuluğa qarşı mübarizə çərçivəsində xaricdə münaqişə zonalarında döyüşmüş 6 nəfər saxlanılıb.
ARANTV.AZ xəbər verir ki, bu barədə Dövlət Sərhəd Xidmətinin (DSX) məlumatında qeyd edilib.
Belə ki, 2021-ci ildə xidməti-döyüş fəaliyyətinin yekunlarına həsr olunmuş hesabat müşavirəsində qeyd olunub ki, bu qəbildən olan daha 11 nəfər müəyyən edilib, narkotik maddələrin qanunsuz dövriyyəsi ilə məşğul olan 15, qaçaqmalçılıqla məşğul olan 5 mütəşəkkil cinayətkar dəstə zərərsizləşdirilib.
Eyni zamanda 71 nəfər sərhəd, 41 nəfər rejim pozucusu, 11 nəfər qeyri-leqal miqrant saxlanılıb.
