Bu gün şəhid Tariyel Salmanovun cənnətdə 34 yaşı olur – FOTO
Vətən Müharibəsinin qəhrəmanlarından biri olan şəhid Tariyel Salmanovun bu gün doğum günüdür.
ARANTV.AZ xəbər verir ki, 2020-ci il sentyabr ayının 29-da SHXCDX-nin Ağcabədi rayon idarəsi tərəfindən yenidən hərbi xidmətə cəlb olunan Tariyel hərbi həkim kimi müharibəyə qatılıb. O, 60-dan çox yaralı əsgəri qucağında, çiynində raket zərbələrinin altından qaçıraraq təxliyə edib, həyatını qurtarıb.
Şəhid həkim-stomotoloq Tariyel Salmanov öz mülayim, gözəl xarakteri ilə həm ətrafındakı insanların, həm də pasiyentlərinin sevgisini qazanıb.
Tariyel Salmanov oktyabrın 8-də Cəbrayıl döyüşləri zamanı şəhid olub. O, yenə əsgərlərin həyatını xilas edərkən, təxliyə zamanı raket zərbələri nəticəsində həyatını itirib.
Şəhidimizin bir qız övladı yadigar qalıb.
