“Kurtlar Vadisi Pusu”nun rejissoru Şuşada film çəkəcək – FOTO
Nizami Kino Mərkəzində Azərbaycan və Türkiyə qardaşlığına həsr olunan filmlə bağlı mətbuat konfransı keçirilib.
ARANTV.AZ xəbər verir ki, konfrans rejissor Selahattin Sancaklı, aktyor Ertuğrul Şakar, prodüser Yalçın Çoban, “Eslem Film” şirkətinin rəhbəri Metin Yücel və azərbaycanlı aktrisa Xuraman Nicatın iştirakı ilə baş tutub.
Çəkilişlərinə iyul ayında başlanılması nəzərdə tutulan film Şuşa şəhərinin işğaldan azad olunmasına həsr olunacaq. Filmdə həm azərbaycanlı, həm türk aktyorlar iştirak edəcək.
Qeyd edək ki, Selahattin Sancaklı “Asmalı Konak” və “Kurtlar Vadisi Pusu” kimi bir çox məşhur filmlərin rejissorluğunu edib.
