Astarada sitrusçuluğa maraq hər il artır
Astara rayonunun iqlim şəraiti sitrusçuluğun inkişafı üçün çox əlverişlıdir. Həm də burada kənd adamının güzəranı bu sahənin inkişafı ilə çox bağlıdır. Hazırda rayonda ümumilikdə 4 min 816,6 hektar meyvə bağı mövcuddur. Onun 4 min 179,2 hektarını, yaxud 86,8 faizini sitrus və subtropik meyvə bağları təşkil edir. 2021-ci ildə isə 172,8 hektar yeni sitrus meyvə bağları salınıb.
Nümunəvi qulluq hesabına astaralılar həmin bağlardan götürdükləri məhsuldan razı qalırlar. Ötən ildə belə olmuşdur. Bağlardan 56 min 061,3 ton və ya 2020-ci ilə nisbətən 17 faiz çox ekoloji cəhətdən sağla və keyfiyyətli sitrus və subtropik meyvə məhsul yığılıb. Halal zəhmətin şirin bəhrəsi bağbanların ürəyincədir.
İndi bazarlarda ən çox satılan Astaranın sitrus meyvələridir.
Zəfər Orucoğlu,
Azərbaycan Jurnalistlər Birliyinin üzvü
