Lənkəranda abad həyət
Bu günlərdə Lənkəran şəhərində əhalinin sıx yaşadığı mikrorayon ərazisində çoxmərtəbəli yaşayış binalarının arasındakı həyət yenidən qurularaq sakinlərin istifadəsinə verilib. Həyətdə sakinlərin görüşüb söhbət etməsi, istirahəti və uşaqların əyləncəsindən ötrü hər cür şərait təşkil olunub.
Həyətin istifadəyə verilməsi ilə bağlı tədbir keçirildi. Lənkəran ŞİH başçısı Taleh Qaraşov tədbirdə sakinlərlə görüşüb onlarla səmimi söhbət etdi. Həyətdə görülən işlərin vətəndaş məmnunluğunun təmin olunması ilə bağlı həyata keçirilən siyasətə uygun olduğunu bildirib: – İnsan amilinə xidmət edən bütün işlər ölkə başçısı İlham Əliyevin xüsusi tapşırıqları əsasında görülür. Bundan sonra da vətəndaşların rahatlığı naminə işlərin görülməsi nəzərdə tutulub.
Axırda icra başçısı bir daha sakinlərin qayğıları, istək və arzuları ilə yaxından tanış olub. Görülən abadlıq işlərini böyük sevinc hissi ilə qarşılayan sakinlər ölkə Prezidentinin və Birinci vitse-prezident Mehriban xanım Əliyevanın ünvanına minnətdarlıq dolu fikirlər söyləyiblər.
Zəfər Orucoğlu,
Azərbaycan Jurnalistlər Birliyinin üzvü
