Xaçmazda iti asaraq öldürən şəxs məsuliyyətə cəlb olundu – VİDEO
Xaçmaz rayonunun Gödəkli kəndində itə ağılasığmaz işgəncə verən şəxs məsuliyyətə cəlb edilib.
Bu barədə Oxu.Az-ın sorğusuna cavab olaraq, DİN-in Mətbuat Xidmətinin Quba regional qrupunun baş inspektoru, polis leytenantı Xəyal Talıbov məlumat verib.
O bildirib ki, iti asaraq öldürən şəxslə bağlı Xaçmaz Rayon Polis Şöbəsində araşdırma başladılıb.
“Həmin şəxs-yəni, rayonun Gödəkli kənd sakini 86 yaşlı Balasoltan Daşdəmirov barəsində fevralın 19-da İnzibati Xətalar Məcəlləsinin 274-cü maddəsi ilə tədbir görülüb”.
