Zəhmət adamı tarlaya çıxır
Elimizə yaz gəlir. Onun gəlişi Masallıda halal zəhmətlə ömrünə sevinc qatan kənd adamının əkib-becərmək həvəsini on qat artırıbdır. Rayonun bərəkətli, min nemətli tarlalarında cari ilin məhsulu üçün yazlıq bitkilərin əkininə başlanılıb. Məhsul istehsalçıları qısa müddətdə 1182 hektar sahədə yazlıq əkini həyata keçiriblər. Hər gündə əkilən torpaqların sərhədi hektar-hektar genişlənir.
Bununla bərabər, həm də rayonun taxılçılıq təsərrüfatlarında bol məhsul əldə etməkdən ötrü əkin sahələrinə aqrotexniki qulluq göstərilir. Hazırda sahələrə yemləmə gübrəsi verilir və zərərvericilərə qarşı kimyəvi mübarizə tədbirləri aparılır.
Zəfər Orucoğlu,
Azərbaycan Jurnalistlər Birliyinin üzvü
