Uşaqların Novruz sevinci
Lənkəran şəhərində yerləşən Osman Mirzəyev adına Qarışıq Tipli Uşaq Evində təşkil olunmuş Novruz şənliyi balacalarda xoş əhval-ruhiyyə yaratdı. Tədbir Mübariz İbrahimov adına Biləsuvar Təhsil Kompleksinin müəllim, şagird heyətinin təşəbbüsü və iştirakı ilə baş tutdu. Biləsuvarlı şagirdlərin ifa etdikləri bahar ovqatlı musiqi nömrələri, rəqslər sözün əslə mənasında könül açırdı.
Həmçinin Təhsil Kompleksinin tərəfində təşkil olunmuş rəngbərəng bayram xonsaları, eləcə də hədiyyələr uşaqlar tərəfindən çox razılıqla qarşılandı.
Zəfər Orucoğlu,
Azərbaycan Jurnalistlər Birliyinin üzvü
