Xilaskar ömür
Dəyərli ömrünü xalqı, Vətəni üçün yaşamaqla milyonların qəlbində əbədiyyət ulduzuna çevrilən Ulu Öndər Heydər Əliyevin anadan olmasının 99-cu il dönümü ölkəmizin hər guşəsində böyük təntənə ilə qarşılanır. Bu münasibətlə Yardımlı rayon Heydər Əliyev Mərkəzində keçirilən “Xilaskar ömrü” adlı növbəti tədbir daha yadda qalan alındı.
Mərkəzin kollektivi ilə yanaşı Yardımlı rayon Şəfəqli kənd orta məktəbinin müəllim və şagirdlərin iştirak etdiyi tədbir Ulu öndər Heydər Əliyevin və Vətən naminə canından keçən qəhrəmanların əziz xatirələri 1 dəqiqəlik sükutla yad edilməklə başlandı. Yardımlı rayon Heydər Əliyev Mərkəzinin əməkdaşları Aqil Ağayev, Elşən Abışov çıxış edərək dahi şəxsiyyət Ulu Öndərin dövlətçiliyimizin qorunması və möhkəmlənməsində, Azərbaycanın sosial-iqtisadi inkişafında, hüquqi dövlət quruculuğu sahəsində misilsiz xidmətlərindən ətraflı söhbət açdılar.
Tədbirin bədi hissəsində isə Ulu Öndərin mənalı həyatını əks etdirən
“Dahi şəxsiyyət” filmi göstərildi, onun dövlətçilik fəaliyyətini özündə yaşadan eksponatlara, eləcə “Heydər Əliyev və Mədəniyyət” sərgisinə baxış oldu.
Zəfər Orucoğlu,
Azərbaycan Jurnalistlər Birliyinin üzvü
