“Azəriqaz”: 100-ə yaxın obyektdə pozuntular aşkarlanıb
“İctimai iaşə obyektlərində qaz balonları və digər qızdırıcıların, elektrik təsərrüfatının, havalandırma və digər sistemlərin vəziyyəti ilə bağlı yoxlamalar davam etdirilir”.
ARANTV.AZ APA-ya istinadən bildirir ki, bunu jurnalistlərə açıqlamasında “Azəriqaz” İstehsalat Birliyinin baş direktoru Ruslan Əliyev deyib.
O qeyd edib ki, bu günə kimi 100-ə yaxın ictimai iaşə obyektində pozuntular aşkarlanıb.
“FHN, “Azəriqaz” və Bakı Şəhər İcra Hakimiyyəti tərəfindən mütəmadi olaraq yoxlamalar aparılacaq”, – Ruslan Əliyev vurğulayıb.
