Ərzaq, içki və tütünün istehlak qiymətləri indeksində artım olub
Bu ilin yanvar-aprel aylarında istehlak qiymətləri indeksi ötən ilin müvafiq dövrünə nisbətən 112,4 faiz, o cümlədən ərzaq məhsulları, içkilər və tütün məmulatları üzrə 117,4 faiz, qeyri-ərzaq məhsulları üzrə 106,4 faiz, əhaliyə göstərilmiş ödənişli xidmətlər üzrə 110,2 faiz təşkil edib.
Dövlət Statistika Komitəsindən AZƏRTAC-a verilən məlumata əsasən, cari ilin aprel ayında istehlak qiymətləri indeksi əvvəlki aya nisbətən 101 faiz, ötən ilin aprel ayına nisbətən 113 faiz olub.
