Kənd təsərrüfatı məhsullarının istehsalçı qiymətləri indeksi 100,8 faiz olub
Cari ilin aprel ayında ötən ayla müqayisədə kənd təsərrüfatı məhsullarının istehsalçı qiymətləri indeksi 100,8 faiz, o cümlədən bitkiçilik məhsulları üzrə 101,2 faiz, heyvandarlıq məhsulları üzrə 100,6 faiz təşkil edib.
Dövlət Statistika Komitəsindən AZƏRTAC-a bildirilib ki, cari ilin mart ayı ilə müqayisədə meşə təsərrüfatı məhsullarının istehsalçı qiymətləri indeksi 100 faiz, balıq və digər balıqçılıq məhsullarının istehsalçı qiymətləri indeksi isə 99,4 faiz olub.
