Bakıda avtomobil park ərazisinə aşıb – FOTO
Bakının Yasamal rayonunda ağır avtomobil qəzası baş verib.
APA xəbər verir ki, hadisə Nəriman Nərimanov prospektində qeydə alınıb.
“Mercedes-Benz” markalı avtomobili idarə edən sürücü sükana nəzarəti itirərək maşını Nəriman Nərimanovun heykəli olduğu əraziyə aşırıb.
“Mercedes-Benz”in sürücüsü ağır xəsarət alaraq xəstəxanaya çatdırılıb.
Avtomobil deformasiya uğrayıb.
Faktla bağlı Yasamal Rayon Polis İdarəsində araşdırma aparılır.
