Kəlbəcərə qanunsuz keçən Nazilə Səfərli həbs olundu, bir neçə polis işdən çıxarıldı- YENİLƏNİB
Şair Nazilə Səfərli işğaldan azad olunan Kəlbəcər rayonuna qanunsuz yolla keçərək, orada nişan mərasimi edib.
ARANTV.AZ xəbər verir ki, bu barədə sosial şəbəkədə məlumat yayılıb.
Bildirilib ki, DİN-in İctimai Təhlükəsizlik idarəsi əməkdaşları Nazilə Səfərlini həbs edib. Ona 15 sutka həbs cəzası verilib.
Həmçinin qeyd olunub ki, Nazilə Səfərlinin Kəlbəcərə keçməsinə göz yuman Göygöl və Kəlbəcər rayonu polis əməkdaşlarından bəziləri işdən azad olunub, bəzilərinə töhmət verilib.
Hazırda Toğanalı kəndindəki polis postuna DİN İT İdarəsinin 70-dən çox əməkdaşı cəlb olunub.
Mənbə: axar.az
22:31
Daxili İşlər Nazirliyinin Mətbuat Xidmətinin Gəncə regional qrupunun baş inspektoru Eşqin Qasımov Oxu.Az-ın sorğusuna cavab olaraq bildirib ki, xəbər həqiqəti əks etdirmir:
“Nazilə Səfərli qanuna müvafiq qaydada portaldan qeydiyyatdan keçib və icazə alaraq Kəlbəcər rayonuna səfər edib. Eyni zamanda səfərlə bağlı polis əməkdaşlarının işdən çıxarılması da həqiqətə uyğun deyil”
