SON DƏQİQƏ! Ruslar Azərbaycana axışır – Səfərbərlik PANİKASI
Rusiya prezidenti Vladimir Putinin səhər saatlarında qismən səfərbərlik elan etməsindən sonra ölkədə panika hökm sürür.
ARANTV.AZ “Politico”ya istinadən xəbər verir ki, bu bəyanatdan sonra ehtiyatda olan hərbçi statusuna malik minlərlə insan hərbi xidmətə çağrılmamaq üçün ölkəni tərk etməyə tələsir.
Artıq Rusiyadan Azərbaycan, Türkiyə və Ermənistana çarter reyslərinə bütün biletlər satılıb. Bundan əlavə, təktərəfli təyyarə biletlərinin qiyməti 3 min manatadək yüksəlib.
Rusiyadan Bakı, İstanbul və İrəvana getmək istəyənlər ən tez 10-11 gün sonraya təyyarə biletləri ala bilərlər.
Rusiya aviasiya şirkətləri hazırkı vəziyyətlə bağlı hələ açıqlama verməyib.
Bundan əlavə, Putin açıqlama verərkən səfərbərliyin təfərrüatlarını öyrənmək istəyənlər Kreml və Rusiya Müdafiə Nazirliyinin internet saytlarına daxil olmaq istəyərkən portallar yüklənərək çöküb.
Qeyd edək ki, Rusiyanın müdafiə naziri Sergey Şoyqu qərar çərçivəsində 300 min nəfərin orduya çağırılacağını bildirib. Rusiyalı nazir tələbələrin silah altına atılmayacağını vurğulayıb.
“Bizim böyük səfərbərlik resursumuz var. Orduda xidmət edib, müharibə təcrübəsi olanların sayı az qala 25 milyona çatır. Qismən səfərbərlik zamanı Rusiya ordusuna 300 min ehtiyat əsgər çağırılacaq. Bunlar birinci növbədə hərbi xidməti keçmiş, hərbi təcrübəsi olan şəxslərdir. Səfərbərlik yolu ilə hərbi xidmətə çağırılanlar cəbhəyə göndərilməyəcək. Hazırda əməliyyat bölgələrinə yalnız hərbi xidmətini davam etdirənlər göndərilir.”.
