Qazı yandıran zaman xəsarət alan qadın öldü
Yanıq xəsarətləri alan qadın xəstəxanada vəfat edib.
ARANTV.AZ xəbər verir ki, hadisə sentyabrın 29-da Gəncə şəhərində qeydə alınıb.
Belə ki, Gəncə şəhər sakini, 1950-ci il təvəllüdlü Nadya Qayalova yaşadığı evdə qazla işləyən hamam isidicisini yandıran zaman qaz partlayışı olub.
Nəticədə N.Qalayova 1-ci və 2-ci dərəcəli yanıq xəsarətləri alaraq xəstəxanaya yerləşdirilib.
Görülən bütün tədbirlərə baxmayaraq, zərərçəkən sentyabrın 30-da Bakıda yerləşən Respublika Yanıq Mərkəzində vəfat edib.
