Şəkidə ağac aşdı: Kişi öldü
Şəki rayonunda bədbəxt hadisə baş verib.
ARANTV.AZ-ın məlumatına görə, hadisə rayonun Cumakənd kəndində olub.
Belə ki, Aşağı Göynük kənd sakini, 1994-cü il təvəllüdlü Səxavət Balacayev Cumakənd kəndi ərazisində işlədiyi evin həyətində ağac kəsərkən yıxılıb və ağac onun üzərinə aşıb.
Nəticədə S.Balacayev aldığı xəsarətlərdən ölüb.
Faktla bağlı araşdırma aparılır.
