Buradasınız
Dünya 

“McDonald’s”da aparılan LGBT təbliğatı əxlaqsızlıqdır – İrakli Qaribaşvili

Vüsal Rafiqoğlu

Gürcüstandakı “McDonald’s” restoranlarında aparılan LGBT təbliğatı əxlaqsız və qəbuledilməzdir.

ARANTV.AZ Trend-ə istinadən xəbər verir ki, bunu Gürcüstanın Baş naziri İrakli Qaribaşvili jurnalistlərə açıqlamasında deyib.

“Məşhur restoran şəbəkələrindən biri olan “McDonald’s” bunu təşviq edib. Bu əxlaqsızlıq və qəbuledilməzdir. Biz izahatlar eşitdik, lakin bu kifayət etmir. Bunun qlobal kampaniyanın bir hissəsi olması cavabı xüsusilə qəbuledilməzdir. Təqdirəlayiqdir ki, cəmiyyətin buna reaksiyası kifayət qədər güclü və adekvat olub”, – deyə o bildirib.

Qeyd edək ki, bir neçə gün öncə Gürcüstandakı “McDonald’s” restoranlarının uşaqlar üçün nəzərdə tutulmuş “Happy meal” menyusuna britaniyalı müğənni Elton Conun həyatı ilə bağlı kitabça əlavə edilib. Kitabçada öz həmcinsi ilə evlənmiş Elton Conun iki uşağı ilə birlikdə arzuladığı həyatı yaşadığı qeyd olunub. “McDonalds Georgia” şirkəti kitabça ilə bağlı əvvəlcə üzrxahlıq bəyanatı yayaraq ictimaiyyətdən üzr istəyib. Lakin bəyanat qısa müddət sonra şirkətin sosial şəbəkə hesabından silinib.

Daha çox xəbərlər