Tərtərdə dəhşətli hadisə: İtkin düşən 16 yaşlı oğlanın meyiti tapıldı – YENİLƏNİB
Tərtərdə itkin düşən 16 yaşlı oğlanın meyiti tapılıb.
APA-nın Qarabağ bürosunun xəbərinə görə, Vidadi Samir oğlu Atayevin meyiti Mamırlı kəndində, qonşularının həyətində ağacdan asılmış vəziyyətdə aşkarlanıb.
Hadisənin hansı səbəbdən baş verdiyi hələlik məlum deyil.
Faktla bağlı araşdırma aparılır.
11:36
Tərtərdə 16 yaşlı oğlan itkin düşüb.
Oxu.Az xəbər verir ki, Tərtər rayonu Mamırlı kənd sakini, 2007-ci il təvəllüdlü Vidadi Samir oğlu Atayev 15 avqust tarixində evdən çıxıb və geri qayıtmayıb. Onun itkin düşməsi barədə 16 avqust tarixində Tərtər Rayon Polis şöbəsinə məlumat verilib.
Qeyd edilən məlumatla əlaqədar polis əməkdaşları tərəfindən intensiv axtarış tədbirləri davam etdirilir.
