Azərbaycana uşaq arabaları idxalı 60% artıb
2023-cü ilin yanvar-iyun aylarında Azərbaycana 1.7 milyon dollar dəyərində 45 min ədəd uşaq arabası idxal edilib.
ARANTV.AZ-ın Dövlət Statistika Komitəsinin hesabatı əsasında apardığı hesablamalara görə, bu göstərici say baxımından 60.8% və ya 17 min ədəd, dəyər baxımından isə 66% və ya 677 min dollar çoxdur. 2022-ci ilin müvafiq dövründə Azərbaycana 1 milyon 22 min dollar dəyərində, 28 min ədəd uşaq arabası idxal edilib.
Qeyd edək ki, Azərbaycana idxal olunan uşaq arabalarının 38 min 794 ədədi (86.2%-i) Çindən, 5766 ədədi (12.8%-i) isə İrandan idxal edilib.
