Azərbaycanın Türkiyədəki səfirliyi ümummilli liderin xatirəsini Ankarada yad edib – FOTO
Ümummilli lider Heydər Əliyevin xatirəsi Ankarada yad edilib.
Bu barədə Azərbaycanın Türkiyədəki səfirliyinin “X” hesabında paylaşım edilib.
Bildirilib ki, səfirlik heyəti və Ankarada səfərdə olan Azərbaycan Respublikası Milli Məclisinin Azərbaycan-Türkiyə parlamentlərarası işçi qrupunun üzvləri Ankaradakı Heydər Əliyev parkını ziyarət edərək ulu öndərin abidəsi önünə çələng qoyublar.
