Nəsli kəsilməkdə olan endemik Xəzər balığının növünün qorunmasında “Azerbaijan Fish Farm”ın rolu – FOTO

“LU-MUN Holding”in törəmə şirkəti və Azərbaycanda balıqçılıq sənayesinin ən böyük investoru olan “Azerbaijan Fish Farm” şirkətinin layihələri yeni balıqçılıq təsərrüfatlarının yaradılmasına və Xəzər dənizində biomüxtəlifliyin, o cümlədən Xəzər qızılbalığının populyasiyasının bərpasına yönəlib.

Unikal balıq növü olan Xəzər qızılbalığı (salmo caspius), təəssüf ki, hazırda nəsli kəsilmək təhlükəsi ilə üz-üzədir – bu endemik növün sayının sürətlə azalması fonunda “Azerbaijan Fish Farm” şirkəti onun  populyasiyasının qorunub saxlanması və bərpası işində ön sırada yer alır.

“Bu yaxınlarda Neftçala rayonu ərazisində Xəzər qızılbalıqlarının dənizə buraxılması yaxın gələcəkdə bu istiqamətdə planlaşdırdığımız silsilə tədbirlər çərçivəsində ilk hadisədir. Cari kampaniyanın hər yeni mərhələsində bu endemik növə aid daha çox balığı dənizə buraxmağı planlaşdırırıq və ümid edirik ki, gələcəkdə Azərbaycanın digər istehsalçıları və balıqçılıq müəssisələri də bizə qoşulacaq”, – deyə “LU-MUN Holding”in in İdarə Heyətinin sədri Rüfət Tabasaranski KİV nümayəndələrinə bildirib.

R.Tabasaranski Azərbaycanın “Qırmızı Kitab”ına düşmüş Xəzər qızılbalığının populyasiyasının son illər xeyli azaldığını bildirib:

“2020-ci ildən biz Xəzər qızılbalığının tədqiqi və sənaye üsulu ilə çoxaldılması proqramı üzərində işləyirik. Ümid edirik ki, sözügedən proqram bu növün populyasiyasının bərpasına və ölkənin balıqçılıq təsərrüfatlarında sənaye üsulu ilə çoxaldılmasının təşkilinə kömək edəcək”.

Bu gün Xəzər qızılbalığının populyasiyası hansı əsas problemlərlə üzləşir? “Azerbaijan Fish Farm” bu növün xilası və bərpası istiqamətində hansı işləri görür?

İnsan fəaliyyətinin və iqlim dəyişikliyinin səbəb olduğu bir çox problemlər Xəzər qızılbalığının mövcudluğu üçün real təhlükə yaradır. Bu endemik növün üzləşdiyi əsas problemlər aşağıdakılardır:

– Miqrasiya üçün maneələr – insan fəaliyyəti, məsələn, bəndlərin və ya digər maneələrin tikintisi qızılbalıqların normal miqrasiyasına mane olur ki, bu da onların çoxalma qabiliyyətinə mənfi təsir göstərə bilər;

– Suyun temperaturunun həddindən artıq artması – iqlim dəyişikliyi və ekoloji amillər suyun temperaturunun artmasına səbəb ola bilər ki, bu da öz növbəsində qızılbalığın həyat şəraitinə və onun çoxalmasına mənfi təsir göstərə bilər;

  – Suyun çirklənməsi – suya sənaye tullantıları və ya kimyəvi maddələr kimi çirkləndiricilərin buraxılması qızılbalığa və onun ətraf mühitinə mənfi təsir göstərə bilər;

  – Qanunsuz balıq ovu – qanunsuz balıqçılıq fəaliyyəti həddindən artıq çox balığın ovlanmasına və qızılbalığın populyasiyasının azalmasına səbəb ola bilər.

Xəzər qızılbalığının yetişdirilməsi və çoxaldılması üzrə ixtisaslaşmış “Azerbaijan Fish Farm” şirkəti bu endemik növün qorunması və bərpası proqramında fəal iştirak edir, onun populyasiyasını qoruyub saxlamaq üçün aşağıdakı vacib və zəruri addımları atır:

– Nəzarət altında yetişdirmə və çoxaltma – “Azerbaijan Fish Farm” Qəbələ rayonunun ərazisində qızılbalığın yetişdirilməsini həyata keçirir. Xüsusi yaradılmış şəraitdə suyun təmizliyi və temperaturun dəyişməsi kimi xarici amillərə nəzarət edilir. Qeyd edək ki, bu yanaşma yetişdirmə prosesini mənfi təsirlərdən effektiv qorunmağa imkan verir.

– Təbii yaşayış mühitində populyasiyanın artırılması – şirkət Xəzər dənizində qızılbalıq populyasiyasının bərpası layihələrində fəal iştirak edir. Yuxarıda qeyd edildiyi kimi, bu yaxınlarda dənizə xeyli sayda qızılbalıq buraxılıb ki, bu da onun sayının bərpasına kömək etməklə yanaşı, həm də bu növün təbii mühitinə müsbət təsir göstərir. Bu cür təşəbbüslər “Azerbaijan Fish Farm”ın təbii mühitdə qızılbalıq populyasiyasının dayanıqlılığını aktiv şəkildə bərpa etmək və qoruyub saxlamaq səylərini nümayiş etdirir.

– Tədqiqatlar və maarifləndirmə – “Azerbaijan Fish Farm” Xəzər qızılbalığının ekologiyasını və davranışlarını daha yaxşı qavramağa yönəlmiş tədqiqatlara vəsait ayırır. Bundan əlavə, şirkət ictimaiyyətlə fəal şəkildə işləyir və bu növün üzləşdiyi risklər barədə məlumatlılığın artırılmasına yönəlmiş maarifləndirici tədbirlər təşkil edir. Bu cür addımlar şirkətin təkcə elmi yanaşmasını deyil, həm də onun Xəzər qızılbalığını qorumaq üçün ictimai maarifləndirmə işinə və tərəfdaşlığa sadiqliyini göstərir.

“Azerbaijan Fish Farm” bu endemik növün qorunub saxlanmasına töhfə verməklə yanaşı, ölkədə istehlakçıları Xəzər qızılbalığı ilə təmin etmək üçün mühüm addımlar atır. Şirkətin davamlı səyləri bu qiymətli və unikal məhsulu Azərbaycan vətəndaşları və paytaxtımızın qonaqları üçün əlçatan edib, onlara təzə və yüksək keyfiyyətli qızılbalığın möhtəşəm dadından həzz almaq imkanı yaradıb. Bu fakt şirkətin həm sözügedən endemik növü qorumaq, həm də qurmanları sevimli məhsulla təmin etmək istiqamətində səylərini bir daha nümayiş etdirir.

Xəzər qızılbalığını aşağıdakı satış nöqtələrindən əldə edə bilərsiniz:

– “Azerbaijan Fish Farm”ın “Bravo” supermarketlər şəbəkəsindəki satış bölmələri (hipermarketlər);

– “Azerbaijan Fish Farm”ın “Yaşıl Bazar”da yerləşən balıq məhsulları mağazası.

Qeyd edək ki, “Azerbaijan Fish Farm” öz sahəsində təkcə Xəzər qızılbalığının yetişdirilməsi üzrə lider kimi deyil, həm də bu unikal növün qorunması uğrunda aparılan qeyri-bərabər mübarizənin ən fəal iştirakçısı kimi seçilir. Bu yaxınlarda qızılbalıq cinsindən olan balıqların Xəzər dənizinə buraxılması və şirkətin məhsullarına istehlakçıların çıxışının təmin edilməsi “Azerbaijan Fish Farm”ın qızılbalıq populyasiyasının bərpasına və onun unikal dadının gələcək nəsillər üçün saxlanması işinə sadiqliyini nümayiş etdirir.