Balakəndə ağır qəza: Xəsarət alanlar var
Balakən rayonunda yol-nəqliyyat hadisəsi baş verib.
ARANTV.AZ xəbər verir ki, hadisə rayonun Talalar kəndi ərazisində qeydə alınıb.
Ruhin Varansovun idarə etdiyi “Ford” markalı avtomobil ilə Nurşad Məmmədovun sürücüsü olduğu VAZ-2107 toqquşub.
Yol-nəqliyyat hadisəsi nəticəsində VAZ-2107-dəki dörd sərnişin xəsarət alıb.
Onlardan üçünə ilkin tibbi yardım göstərilərək evə buraxılıb, 1984-cü il təvəllüdlü Nuranə Əhmədovanın isə müalicəsi xəstəxanada davam etdirilir.
Faktla bağlı araşdırma aparılır.
