Koordinasiya Mərkəzi: “Ölümündən sonra orqanlarının bağışlanmasını vəsiyyət edən insanlar var”
Ötən il Azərbaycanda 300-ə yaxın orqan transplantasiyası əməliyyatları həyata keçirilib.
Bu barədə Orqan Donorluğu və Transplantasiyası üzrə Koordinasiya Mərkəzindən APA-nın sorğusuna cavab olaraq bildirilib.
Məlumata görə, bunlardan böyrək transplantasiyası çoxluq təşkil edir.
Eyni zamanda, qeyd edilib ki, ölümündən sonra orqanlarının bağışlanmasını vəsiyyət edən insanlar var:
“Ancaq meyitdən orqan götürülməsinə hələ başlanılmayıb”.
