Novruz bayramında harda istirahət edək?
Novruz bayramını evdə qeyd etmək kimi adətimiz olsa da, son illər bayramı xaricdə keçirmək ənənəsi də formalaşır. Bayramla əlaqədar istirahət günlərinin sayının çox olması buna əsl şərait yaradır. Novruz bayramında istirahət etmək neçiyə başa gəlir?
“Hər il Azərbaycan hüdudlarından kənara səyahət etmək istəyən insanlar kifayət qədər çoxdur. Onlar qardaş Türkiyədə, Dubaya, Gürcüstana, Rusiyanın bizə yaxın olan əyalətlərinə daha çox maraq göstərirlər. Eyni zamanda Dubaya gediş-dönüş bilet, qarşılama-yola salma, səhər yeməyi daxil 5 gecə qonaqlama daxil 1 nəfər 1100-1200 manatdan başlayan qiymətlə təklif olunur”.
Bu sözləri BiG.AZ-a turizm eksperti Rəhman Quliyev deyib.
O bildirib ki, qiymətlər ötən ilə nisbətən bahadır.
“Biletlər 30-50 faiz bu il bahalaşıb. Ən ucuz biletlər Gürcüstanadır. Aviareyslər artdığı üçün qiymətlər nisbətən daha münasibdir. Belə ki gediş-gəliş bir nəfər üçün 600-650 manat civarında dəyərləndirilir. Türkiyə istiqamətində isə qiymətlər fərqlidir. Bir nəfər üçüb gediş-gəliş, 5 gecə qonaqlama səhər yeməyi daxil 850-1000 manat arası dəyişir. Bu qiymət bayrama görə nisbətən baha dəyərləndirilir. Bu paketləri qeyri sezon vaxtı isə 30-40 faiz aşağı almaq olar. Dubay və Moskva istiqamətində isə biletlər 600-650 manat arası dəyişir. Biletlərin qiyməti istiqamətindən asılı olaraq mütəmadi azalıb, arta bilir.Hansı istiqamətə endirimlər tətbiq olunursa, daha çox o istiqamətə turistlər axın edir və xaricə getməyə ciddi təsir edir. Bu amil istər Azərbaycandan xaricə gedən, istərsə də xaricdən Azərbaycana gələnlərin sayına təsir edəcək”.
