Ceyhun Bayramov Mərkəzi Asiya-Körfəz Əməkdaşlıq Şurasının toplantısına qatılıb – YENİLƏNİB + FOTO
Azərbaycanın xarici işlər naziri Ceyhun Bayramov Mərkəzi Asiya-Körfəz Əməkdaşlıq Şurasının strateji dialoq toplantısında fəxri qonaq qismində iştirak edib.
ARANTV.AZ xəbər verir ki, bu barədə Azərbaycan XİN-in “X” hesabında paylaşım edilib.
Bildirilib ki, nazir regionlararası əlaqələrin, qardaş ölkələr arasında çoxşaxəli əməkdaşlığın genişləndirilməsinin vacibliyini vurğulayıb.
“Regionlarımız arasında daha möhkəm tərəfdaşlığa doğru addımların atılmasına zəmin yaradan bu strateji dialoqa etimad və öhdəlik ifadə olunub”, – məlumatda qeyd olunub.
10:46
Azərbaycanın xarici işlər naziri Ceyhun Bayramov Özbəkistanda keçirilən “Mərkəzi Asiya – Körfəz Əməkdaşlıq Şurası” Strateji Dialoq Toplantısında ilk dəfə olaraq fəxri qonaq qismində iştirak edir.
ARANTV.AZ xəbər verir ki, bu barədə Xarici İşlər Nazirliyinin (XİN) mətbuat katibi Ayxan Hacızadə “X”də yazıb.
“Ölkələrimiz arasında çox işlər görülüb və bundan da çoxu baş tutacaq”, – o qeyd edib.
Xatırladaq ki, Azərbaycan XİN rəhbəri aprelin 14-də Özbəkistan Respublikasına işgüzar səfər edib.
